DEUSTU Ikastetxea

Eskola girotzen

2012-02-13T22:31:00.000+01:00

Ama talde batek koordinatzailearekin batera eskola kanpoko horma handi bat girotu dute ametsari buruzko diseinuarekin eta asmatutako leloarekin: “Sueña, creételo, y hazlo”, “Amestu, sinetsi eta egia bihurtu”

Agate Deuna 2012

2012-02-12T01:21:00.001+01:00

Olentzeroren eguna

2012-02-03T22:48:00.003+01:00

Patioan:

Gelaz gela:

2 urteko umeekin:

3 urteko umeekin:

4-5 urteko umeekin eta 1. mailakoekin:

Eskolako Antzokian Abesten:

Ikasle guztien ametsaren eguna

2012-01-20T00:51:00.000+01:00

Zorionak eta Urte Berri On

2011-12-23T14:17:00.003+01:00

Deustu eskolako ametsen kanta

2011-12-21T23:04:00.003+01:00

“Amets, amets egin..” (Itziarrek egokitua)

4 eta 5 urtekoak jazz kontzertuan egon ginen

2011-12-12T03:14:00.000+01:00

Azaroak 14an 4 eta 5 urteko ikasleak BBK aretoara jazz kontzertua entzutera, ikustera eta disfrutatzera joan ginen.

“Ta ta ta jazz” izeneko laukoteak umeei jazzarekin gozatzen erakutsi zien. Saioaren dinamika musika-tresnen eta jolasaren inguruan garatu zen.

Haur guztiei kartulina bana eman zien. Kartulina bakoitzean instrumento baten marrazkia zegoen (Kontrabaxua, pianoa, bateria eta ahotsa); zuzenean jotzen ari ziren tresnak zeintzuk diren asmatu behar zuten.

Oholtza gainera igotzeko aukera izan zuten eta instrumentuak jotzeko eta ikusteko ere.

50 minutko ikuskizuna umeei asko gustatu zizatzien, honen froga eskolan egin zituzten marrazkiak izan zen:

Aurten udazkena ere ailegatu zaigu!!!

2011-12-07T22:38:00.002+01:00

Azaroaren hasieran, urtero bezala, Haur Hezkuntzakoak udazkenaren zain egon gara, urtaro honetan zuhaitzetan gertatzen diren aldadetak ikusteko, hostoak biltzeko eta gure auzoko parkera egiten dugun txangoaz disfrutatzeko.

Aurten, eguraldi zoroa dela eta, uda ez zela amaituko ematen zuen, baina, bai, hemen daukagu berriro gurekin haizea, tenperatura baxuagoak, eta zuhaitzak hostoak galtzen…

Haur Hezkuntzakoak

Tintin erakusketa ibiltaria Deustuko eskolan!!!

2011-12-02T22:22:00.003+01:00

Pasa den astetik Bibliotxokoa (http://bibliotxokoa.blogspot.com/2011/11/tintinen-abenturen-erakusketa-deustun.html) blogean esan genuenez Tintin abenturen erakusketa Bibliotekako eskolan dugu, 1. solairuan kokatuta, hain zuzen, denok ikusteko aukera izateko. Erakusketa hau Eskolako Bibliotekak eramaten duen Irakurtzearen Planaren barruan dugu. Tintinen abenturen erakusketa datorren abenduaren 14ra arte izango dugu eskolan eta den-denok gonbidaturik zaudete ikusteko.

Ez dut denborarik izan argazkiak igotzeko baina laster igoko ditut zuek ikus eta goza ditzazuen baina zera esango dizuet: bai ikasleek, irakasleek eta familiek gustoko handiz hartu dutela erakusketa behin eta berriro adierazi baitute oso berezia dela eta gainera, "Musika Eskola" dugunez gero ere ikusle gehiago ditugu erakusketa honetan parte hartzeko.

Bitartean Bibliotxokoaren blogean uzten dizkizuet galdera-sorta txiki bat abenduaren 7an egingo den zozketan parte hartzeko nahi izanez gero, saria: partxisa, liburu bat eta Tintin erakusketaren iragartzeko kartel bat.

Galderak Bibliotxokoaren blogean idatz ditzakezue edo erakusketan bertan eskuragai dituzuen galdera-fitxategia bete eta liburutegian utzi!. Hona hemen Bibliotxokoan botaturiko galderak: http://bibliotxokoa.blogspot.com/2011/11/tintinen-abenturen-erakusketa-deustun.html

Zozketa, abenduaren 7an egingo dugu. Parte hartu eta egon adi!

Animatu zaitez eta etorri erakusketa ikustera!

GorritxoArgia (Bibliotekako Proiektuaren Arduraduna)

Beldur Astea 2011

2011-11-10T22:17:00.002+01:00

Deustuko Eskolako Bibliotekako bloga zabaldu dugu eta hona hemen "Beldur Astea 2011" ko erakusketan zehar egin genituen argazki bildumatxoa. Hau bakarrik doakio pasabidean egin genituen erakusketari eta hau da onena: umeak bibliotekaren apalategietatik begira-begira ibili zirela beldurrari buruzko liburuen bila.

Gainera, ikasleek, beraiek antolatu eta pasabidean jarri zituzten komikiak, aldizkariak eta haiek egindako beldurrezko apaingarriak.... Egunak aurrera zihoazen araberan magia-errezetak, ipuin laburrak, olerkiak... idatzi zituzten ere.

Aste bi hauetan liburutegia bete-beterik izan dugu eskolan. Pasa den ostiralean, eguerdian 44 ikasle etorri ziren.

Eta gure liburutegiaren blogaren izena eta helbidea hemen dituzue:

BIBLIOTXOKOA: http://bibliotxokoa.blogspot.com/

2 urteko umeentzat moldatze prozesua amaitu da

2011-10-15T21:56:00.003+02:00

Eskolako txikientzat, 2 urteko umeentzat, moldatze prozesua amaitu da.

Hemen duzue irailean egindako argazkiak.

Eskolako Kulturartekotasunaren 2. astea

2011-07-01T18:03:00.002+02:00

Ekainaren lehenengo astean zehar Eskolako Kulturartekotasunaren 2. astea ospatu genuen eta hainbat ekintza antolatu ere; hona hemen egindako laburpen bat:

Munduko hainbat ipuin desberdin irakurri genuen ziklo guztietan.
Horma-irudi handi bat izan genuen eskolako sarreran munduko umeen hainbat marrazkiekin osaturik ere.
4., 5. eta 6. mailako umeek “Binta y la gran idea” filma eskolako antzokian ikusi genuen eta asko gustatu zitzaigun. Bai filman agertzen den ideia baloragarria!
Texas-tik etorritako zortzi lagunekin egon ginen aste bukaeran, goiz oso baten, eta haiek ekarritako abestiekin eta jolasekin aritu ginen eskolan osoan.
Musika senegaldarra izan genuen ere eta danborren soinuen bidez bizi-bizian dantzatu genuen patioan.
Plastika arloan hainbat ekintza egin genituen ere: munduko umeen herriko jantziak margotu, liburu orri banatzaileak…
“Munduko dantzak” izendaturiko abestia, patioan, denok dantzatu genuen eta benetan polita egin genuela!
Eskolako familia batzuek ere eta III. munduko hainbat janari degustazioa eta herri ezberdinetako errezetak ekarri zituzten eta arratsaldean janari hauek denok jateko aukera izan genuen.

Kulturartekotasun eguneko janaria

2011-06-26T01:56:00.001+02:00

Kulturartekotasun egunean jai bat antolatu genuen. Gurasoek ekarritako janaria, errezetak eta guztia, hemen duzue.

Eskerrik asko guraso guztioi eskolako jaian parte hartzeagatik. Eskola denona da.

Arte Hezkuntza arloan...

2011-06-17T22:12:00.001+02:00

Arte Hezkuntza arloan hainbat teknika landu ditugu aurten 6. mailan.

Apirilean, Picasso artistaren hainbat obra aztertzen egon ginen eta Historiarekin batera landu ere, Espainiako Gerra Zibila, 1937ko apirilaren 26an Gernikako bonbardaketa aztertuz, hain zuzen.
Hona hemen 6. mailako ikasleek "Guernica" obrari buruzko egindako dekonstruzioaren hainbat marrazki koloreetan oinarriturik.
Hauek eskolan ditugu erakusketan eta baita oihalez egindako beste "Collage"batzuk ere.

Zorionak guztioi, artista hutsak zarete!

Gehiago ikusteko klikatu hemen: Kate Berdea

Belén Lucas Pérez ilustratzailearekin egindako liburua

2011-06-15T22:38:00.012+02:00

Belén Lucas Pérez ilustratzailearekin egin genuen liburua hemen duzue. Ea zuen gustukoa den!

3. mailakoak

Arbela Digitala Haur Hezkuntzan ere

2011-06-10T04:22:00.001+02:00

Ume txikientzako aritu izan garen informatika tailerretan, aurten erositako Arbela Digitala, biziz eta trebetasun handiz gozatu dute haur hezkuntzako ikasleek. Hona hemen argazki bildumatxo bat, zuek ikus dezazuen nola garatu den tailerra!.

Belén Lucas Pérez, ilustratzailea

2011-05-30T22:57:00.001+02:00

Maiatzaren 23 an 3. mailako guztiok liburutegira joan ginen.
Han liburu bat, kollage teknika erabiliz, egin genuen.
BELÉN LUCAS PÉREZ etorri zen, ilustratzailea da, batzuetan berak ere liburuak idazten ditu. Hark ilustratutako liburuak erakutsi zizkigun.
Oso ondo pasatu genuen. Oso dibertigarria izan zen liburua egitea eta oso polita geratu zaigu.

3. mailakoak

Carlos Martinez, a funny storyteller

2011-05-26T21:18:00.006+02:00

Last Friday afternoon, May 13th, Carlos Martinez, a funny storyteller, came to our school. He played the guitar and we all sang some songs. The library was “happier” than ever. Next, he told us a scary story, but we were not scared. We were really surprised because we could understand the story, in English! We had a really good time.

Thank you, Carlos. See you.

Primary 5/6

Kultur astean ipuin kontalaria gure artean

2011-05-09T23:30:00.006+02:00

Apirilaren 15ean, eskolako Kultur Astea ospatzen dugun astean, Alberto Bargos, ipuin kontalaria, liburutegira etorri zitzaigun 4. mailako ikasleoi. Ipuin kontalari aritzeaz gain, idazlea ere bada, eta, egun, irakasle dabil Madre de Dios ikastetxean.

Ederto egon ginen Alberto egondako saioan. Berak, umoretsu, alai, txotxongilo batzuen laguntzaz, hainbat ipuin narratu zizkigun. Kontatu ez ezik, parte hartze handia bultzatu zuen gure artean, bai ikasle zein andereñoen artean.

Hasiera hasieratik interesa piztu zigun, eta arreta eta gogoz entzun genituen ipuin guztiak. Gainera, bere urtebetetze eguna zen, baina zenbat urte bete zituen isilpean gordeko dugu…

ZORIONAK! Eta itzuli beste behin, Alberto!

4. mailako ikasleak

Iraide urkiaga ipuin kontalaria

2011-04-18T00:08:00.003+02:00

Martxoaren 25ean, Iraide Urkiaga, ipuin kontalaria, gure eskolako liburutegira etorri zen.

Ihintzaren iratxoa zuen izena. Basoari buruzko istorio bat kontatu zigun, basoa haserre zegoen zarata, zaborra eta eraikuntzak direla eta. Iratxoaren mezua planeta zaindu behar genuela zen.

1. eta 2. mailako ikasleak adi eta pozik egon ziren kontalariaren mezua ulertu zuten, gainera, parte hartu zuten kontalariak proposatzen zituen ekintzetan.

Amaieran ikasleek saritxo bat izan zuten.

Ipuin kontalaria haur hezkuntzan

2011-03-24T23:29:00.002+01:00

Rosa Mª Martinezek 4 eta 5 urtekoei ipuin zoragarriak kontatu zizkien.

Elefanteek zergatik daukaten sudur luzea jakin genuen, Karlota dortokarekin gozatu genuen eta Perla txakur tranpatiari musu asko eman genizkion.

Bat batean ilundu zuen eta gure ilargi maitea zerutik lapurtu ziguten. Eskerrak eguzkiak lagundu ziguten berreskuratzen!!!

Zein ondo pasa genuen istoriotxo hauekin!!!

Arte Ederretako Museoan 10-11

2011-03-21T22:56:00.003+01:00

4 eta 5 urtekoak Bilboko Arte Ederreetako Museora joan ginen. Joateko bidea oinez egin genuen, gure hiria ezagutuz. Deustuko zubitik Nerbioi itsadarraren gainetik pasa ginen eta Casilda Andrearen Parkea zeharkatu genuen. Han ahateak, antzarrak eta indiolarrak ikusi genituen ere.

Museoan begiak zabalik eta astiro astiro ibiltzen, koadroak eta eskultura politak ikusi genituen. Kolore, forma, tamaina, material ezberdinak… behaketa lantzeko lagungarriak izan ziren eta bide batez edertasunaz gozatu genuen.

Amaitzeko kolunpioetan disfrutatu genuen hango zabuetan.

Bidarteko udal liburutegia

2011-03-17T21:41:00.007+01:00

Otsailaren 18 an, 1.go mailako ikasle eta irakasleak Bidarteko Udal Liburutegira joan ginen Mertxe eta Anarekin.

Bertan, ipuin kontalari bati entzun genion eta gero liburuak hartzeko eta ikusteko aukera izan genuen, baita ere bazkide nola izan esan ziguten.

Gustora egon ginen oso leku atsegina baita.

Zorionak Juan Diego

2011-03-15T23:53:00.001+01:00

Artigas 10-11

2011-03-09T23:09:00.001+01:00

Aurreko hilabetean Artigas zabortegiaren areto pedagogikoetara joan ginen bisitan. Asko ikasi genuen zaborren trataeraz. Badakizue nora botatzen dituzten Bilbo osoko zaborra? Mendien artean egindako bailara batean. Bete arte bota, zapaldu eta lurrez estali, beste mendi bat egin arte. Harrigarria ezta? Hortaz aparte beira, plastikoa eta beste material batzuk (elektronikoak, adibidez) birziklatzen dira. Zaborra sailkatzeko jolasa da gehien gustatu zitzaiguna. Botoiak sakatuta esan behar genuen txandaka zer nora bota. Amaitzeko gogoratu, gutxitu, berrerabili eta birziklatu. Ez ahaztu etxeetan zaborra sailkatzeaz. Hurrengora arte lagunak.

5. eta 6. mailakoak.

Bikoteka irakurtzen

2011-03-03T23:12:00.002+01:00

2010/2011 ikasturtean 2.B eta 6. mailetako ikasleak, familiekin batera, irakurmena hobetzeko programa berria martxan jarri dugu. Programa hau Bartzelonako Unibertsitateak koordinatzen du.

Hasieran, irakasleok formazioa jaso genuen, ostean Eskola 2.0 baliabidea erabiliz bai gurasoekin baita ikasleekin ere bi bilera izan genituen programa azaltzeko.

Ilusio handiz eta buru belarri ari gara lanean. Ikasturtea amaitu baino lehen emaitzen berri jakinaraziko dizuegu.

JO TA KE ONDO IRAKURRI ARTE

2. maila B eta 6. maila

Goio Ramos maisua eta idazlea

2011-02-21T21:50:00.002+01:00

Otsailaren 3an GOIO RAMOS maisua eta idazlea gure eskolako liburutegira etorri da.

4. mailako ikasleek bere adineko umeei zuzendutako liburu bat irakurri ondoren, idazlearen bizitza eta lanbidea zein irakurritako liburuan agertzen diren gaiei buruz, ordubetez inguru hitz egin ahal dute.

Galdera ugari egin eta gero, Goiok ikasle bakoitzari liburua sinatu zion, elkarrekin pasatutako denborari buruzko oroipen ona izan dezaten.

Mª Angeles Malda gure oroimenean

2011-02-16T00:25:00.008+01:00

Mª Angeles Malda gure eskolako langile ohia eta lagun arduratsua, baita ere gaur langilea dugun Begoren ama, hil da.

Nahiz eta jubilatuta egon, ahal zuen bakoitzean eta jai usaina hartzen zuenean eskolara etortzen zen Olentzerori laguntzeko, aratusteetan mozorrotzeko edo kurtso amaierako jaian txokolatea egiteko.

Hemendik aurrera ere beti izango dugu gure oroimenean.

Komikiak egiten ikasi dugu

2011-02-12T00:16:00.023+01:00

Komikiak egiten ikasi dugu, eta koadernoan egin beharrean ordenagailuen bidez egin dugu, oso dibertigarria izan da. Hemen dago gure lana, ea zer iruditzen zaizuen!

2. maila B

Gure eskola

2011-02-07T23:36:00.005+01:00

This picture collage made with Smilebox.

Munduko mahai jolasak

2011-01-12T23:03:00.007+01:00

Lehengo egunean eskolan munduko mahai jolasen erakusketa izan genuen. Mahaietan marrak eta arauen arabera kanikak, iturriak edota egur piezak mugitu edo bota behar genituen. Irakasle batzuek arauak azaldu zizkiguten. Ez ziren oso konplikatuak. Gero, talde txikietan aritu ginen lehia atseginean. Denok parte hartu genuen. Oso dibertigarriak ziren eta asko gustatu zitzaizkigun.

Lehen Hezkuntzako 2. eta 3. zikloak

Zorionak eta Urte Berri On!

2010-12-22T23:34:00.002+01:00

Zorionak eta Urte Berri On!!!!

Udazkena Deustuko parkean

2010-11-17T22:48:00.004+01:00

Haur Hezkuntzako ikasle eta irakasleok udazkena zer den deskubritzeko asmoz Deustuko parkera hurbildu ginen.

Horra joan baino lehen jarraitu behar genuen ibilbidea ondo aztertu genuen baita marraztu ere.

Kolore eta forma ezberdinetako hostoak bildu genituen ikasgeletan hainbat ekintza burutzeko.

Auzoa ezagutu eta udazkeneko ezaugarriak ikasiz gain oso ondo pasa genuen parkeko kolunpioetan eskolako lagunekin jolasten, hori bai dibertigarria!!!

Haur Hezkuntza

Landareak

2010-10-26T22:00:00.001+02:00

Inguru arloan landareen gaia bukatu genuenean bisita egin genien txikiei. Lehendabizi, irudiak eta testuak egin genituen gelan. Gero, geneukan tomate landarea hartu, kuadernoak eta egindako lurrinak (usainak lantzeko), eta pozik abiatu ginen.

Txikien gelan landareen atalak aurkeztu genituen. Haziak, erroak, zurtoinean adarrak, hostoak eta loreak. Loreetan ugalketa azaldu (erleak eta haizea polinizazioan) eta azkenean fruitua, haziak dauden tokia.

Argazkiak atera genituen eta mikroskopioaren batzuk ere txertatu. Gustora ikasi genuen. Hurrengora arte.

5. mailakoak

Udazkeneko produktuen erakusketa

2010-10-19T21:12:00.006+02:00

Udazkena etortzean, liburutegiko arduradunak erakusketa ederra oparitzen digu garaiko produktuek osatua. Intxaurrak, urrak, ezkurrak, kalabazak, pikuak, mahatsak, eztia, gaztainak e. a. Basoko fruituek eta hostoek ere apainduta.

Produktu bakoitza hiru hizkuntzatan idatzia agertzen da, euskaraz, gaztelaniaz eta ingelesaz.

Erakusketa honetan ikasleek ere parte hartzen dute ahal dutena ekarriz. Era honetan parte hartzen eta errespetatzen ikasten dute.

Txikien andereñoak ikasleekin ikustera datoz. Gaiak erakusten zaizkie. Forma, kolorea, gogor edo biguntasuna egiaztatzen dute... batzuetan irudietan besterik ikusi ez dutena aurre-aurrean daukate.

Erdiko pisuan kokatzen dugu, liburutegiaren alboan. Horrela ikasleek askotan ikus dezakete liburuen bila etortzean edota eskolaz kanpoko ekintzak egiterakoan.

Nahi duena ere etor daitezke nahi badu.

10-11 Ikastetxeko Gida

2010-10-17T22:43:00.005+02:00

09-10 Azken Jaia

2010-07-09T22:11:00.015+02:00

Basondo

2010-07-04T22:08:00.002+02:00

1. eta 2. maila

Getxoko Dinosauro Parkea

2010-06-27T22:21:00.001+02:00

3., 4., 5. eta 6. maila

Eskolako txikiak Artxandan egon gara

2010-06-26T22:01:00.020+02:00

09/10 Artxanda

Azken jaiaren egitaraua

2010-06-21T22:31:00.004+02:00

Kontu Kontari

2010-06-18T22:43:00.004+02:00

Familien partaidetza bultzatu nahian eta beste herrietako kulturak ezagutzeko asmoz, martxotik aurrera, arratsaldeko 4:00 etatik 4:25 arte, kontu kontari ibili gara 2 urteko geletan. Oso esperientzia polita izan da, alde batetik gurasoen partetik oso jarrera ona izan dugulako eta beste aldetik, umeak poz-pozik eta buru belarriz egon direlako. Ipuin kontakizunak, argazkiak, kantak, jolasak... denetarik izan dugu. ESKERRIK ASKO parte hartu duzuen guztioi eta hurrengo ikasturtetan honekin jarraitzea espero dugu.

2 urteko gelak

Bilbo garbi

2010-06-11T22:21:00.010+02:00

Maiatzean 5. eta 6. mailako neska-mutilok irteera berezia izan genuen. Bilbao garbi zaborra batzeko garraio zerbitzua ikustera joan ginen Elorrietara eta Ametzolara autobus dotore batean. Ibilgailu mota desberdinak azaldu zizkiguten. Oso garbiak danak. Baina interesgarriena Ametzolako zaborrak batzeko sistema pneumatikoa izan zen. Usainik ere botatzen ez zuena. Zaborren arazoaz kontzientzia hartu genuen. Gutxiago sortu, birziklatu eta berriztu. Beti ere jatorrian sailkatzea beharrezkoa dugu eta gure eskuetan dago, kartoia eta papera, ontziak eta plastikoak, bidrioa, organikoa, pilak... Txangoa asko gustatu zitzaigun.

Aida, María, Kevin eta Adrian - 5. maila

Bide-hezkuntza

2010-06-09T21:59:00.003+02:00

Pasa den astean bide-hezkuntzara joan ginen, bertan erakutsi ziguten bide-hezkuntzako arauak: haietariko bat zen beti seinaleei kasu egin behar zitzaiela. Gauzak ikasi eta gero praktikan jarri genuen haiek erakutsi zigutena . Bizikletak hartu eta bueltaka hasi ginen, gauza bat txarto egiten genuenean multa txiki bat jartzen ziguten eta 5 minutu jolastu gabe eta oinezko bezala ibili behar genuen. Benetakoa zirudien eta oso ondo pasatu genuen.

Erlantz eta Ruben - 6. maila

Ibarrekolandako institutuan

2010-06-08T22:06:00.003+02:00

Maiatzean Ibarrekolandan egon ginen institutua ikusten. Eskolan gurekin egon zirenak ere ikusi genituen: Junior, Javi, Aitor, Sebastian, Eder, Andoni, Aritz, Ivan... Joserra eta Itziarrekin joan ginen.

Futboleko zelaia ikusi genuen eta frontoia ere bai. Jantokia eta gimnasioa ikusi genuen. Futbol zelaian harrapaketara jolastu ginen. Oso ondo pasatu genuen.

Gorka eta Emilio - 6. maila

Ongi etorri Saloua! ترحيب

2010-06-06T21:58:00.004+02:00

Maiatzaren 21ean ospatutako Kulturartekotasunaren egunari jarraipena emanez, Marokoko eskolako ama bat, Saloua, 3. mailakoen ikasgelara etortzeko gonbidapena luzatu genion.

Ordubete eman zuen gurekin hizketan. Guk galderak egiten genizkion bere herrialdeari buruz, eta Salouak atsegin handiz erantzuten zizkigun. Aurretik, Marokoaren gaineko hainbat informazio bagenekien, baina askoz ere biziagoa eta motibagarriagoa egin zitzaigun bere ahotik entzunda.

Xabierren eguna zen, eta Salouak “zorionak” abestu zion arabiarrez eta frantsesez.

Amaitzeko, eskerrak eman eta marrazki batzuk oparitu genizkion.

Kulturartekotasunaren eguna

2010-05-31T21:49:00.013+02:00

Maiatzaren 21ean, Deustu ikastetxeko partaide guztiok (guraso, ikasle eta irakasleok) ekintza ezberdinetan aritu gara munduko kulturak hobeto ezagutzeko.

Ekintza hauetan beste herrialde batzuetako Kultura eta ohiturak aztertu ditugu. Horretarako ipuinak, hormairudiak, pelikulak eta jakiak erabili ditugu.

Ipuinak landu ondoren, ikasleek ondoko gelakoei konta diete landutako ipuina.

Goizean zehar, ikasleek munduko mapan euren argazkiak ipini dituzte.

Astean zehar, kulturaniztasunari buruzko pelikulak ikusi ditugu. Emanaldi honetan, ikuskera zabala eta kritiko batean oinarrituta, gaur egungo gaiak sakontzeko aukera eduki dugu ikasleekin batera.

Kulturartekotasunaren lanak sakondu ondoren, ikasleek herrialde desberdinei buruzko muralak osatu dituzte patioan.

Guraso elkarteak antolatuta eta familien laguntza eta parte-hartze zuzenarekin, janari ezberdin dastapena antolatu dugu.

Erakusketatik museoetara

2010-05-26T00:40:00.001+02:00

Aurreko hilabetean Euskal Museora joan ginen. Goiz osoa kanpoan pasatu genuen. Hasteko, Bidarten zegoen eskulan erakusketa batera joan ginen. Gero, metroa hartu eta alde zaharrera Euskal Museoa. Maketa, pinturak, arrantza eta abeltzantza, esku pilotaren erakusketak ikusi genituen. Ondoren La Caixak Done Jakueri buruzko erakusketa bisitatu genuen, oso interesgarriak denak eta oso ondo portatu ginen, hala esan ziguten behintzat.

6. maila

Athleeeeeetic!... Eup!

2010-05-25T04:53:00.003+02:00

Aurtengo azken entrenatze saioan Athletic ikustera joan ginen Lezamara. Deustu-Lezama trena itxiko zuten aste horretan bertan eta bidaia interesgarria iruditu zitzaigun deustuarrentzat mila istorio gordetzen dituen trenean. Egun euritsua izan genuen eta busti egin zitzaigun autograforen bat. Jabi Martinez, Koikili, San José, iker Muniain… Argazkiren bat ateratzeko aukera ahaztu gabe, gero bueltan ikusteko. “Athletikc herritik sortu zinalako maite zaitu herriak…”, dio kantak, “zu zara nagusia!”.

6. Maila

Patxi Gonzalez kanta-kontalaria

2010-05-23T21:50:00.003+02:00

Gure eskolako Euskal Astearen ostegunean “Patxi Gonzalez” kanta-kontalaria egon zen 6. eta 5. mailakoekin. Aktorea eta kantaria da. Lehenengoz bere abotsaren kordak erakutsi zizkigun eta bere funtzioak, zertarako balio zuten. Euskal abesti asko abestu genituen, athletic-en ereserkia ere bai. “Maritxu nora zoaz?” abestu genuen era askotara, rock, pop, barre egiten, e. a. Oso ondo pasatu genuen. Espero dugu hurrengo urtean ere etortzea.

Iratxe Unzurrunzaga ipuin kontalaria

2010-05-21T22:40:00.002+02:00

Maiatzaren 6an, Euskal Astea dela eta, 2. mailako taldeok joan ginen liburutegira Iratxe Unzurrunzaga, ipuin kontalaria, baitzegoen.

Neska-mutilek isilik eta arreta handiz entzun zioten. Saio amaieran tailer txikia egin zuten.

Ipuinaren pertsonaia nagusia barraskiloa zenez, ba, paperez barraskiloa egin zuten.

Umeak poz-pozik ihardun zuten bi ekintzetan. Beraien gustokoa eta oso dibertigarria izan zirela komentatun zuten.

Leire Bilbao idazlea gure liburutegian

2010-05-20T22:26:00.003+02:00

Leire Bilbao idazle bat da. Liburutegian egon zen 6. eta 5. mailakoekin liburuak erakusten eta galderak erantzuten. Liburu bat ere irakurri dizkigu; “Gela-zikin”. Beste liburu batzuk erakutsi dizkigun: “Amonak nobioa du”, “Ezkatak” eta beste.

Gorka eta Emilio

Arratsalde on Antton Kazabon

2010-05-13T22:21:00.002+02:00

Maiatzaren 4an, baina arratsaldez, 3. eta 4. mailako ikasleok bildu ginen liburutegian Antton Kazabon idazlearekin egoteko.

Ikasturtean zehar idazle honen hiru liburu irakurri behar izan ditugu: MOMOLO, AZKEN TXANTXANA eta TTANTTO.

Hasieran, galdera batzuk egin genizkion eta berak bertsoz-bertso erantzun zizkigun.
Pilotazale eta neurri batean pelotaria ere izanda, irakatsi zigun zelan egin larruzko pilota bat.

Ahokorapiloak irakurri genituen lehiaketa txiki batean eta txapeldunek sariak jaso zituzten.

kontu-kontari Lur Korta ipuin kontalari

2010-05-12T22:20:00.003+02:00

Maiatzaren 4an, eskolako liburutegira hurbildu zitzaigun LUR KORTA ipuin kontalaria. Oraingo honetan, 3. mailako ikasleok izan genuen aukera bere ipuinak eta istorioak entzuteko:

Fremin untxiarena.
Kristina printzesarekin ezkondu nahi zuten “ Lizeto ”, “ Mario” eta “ Markel”-ena.
Animalia ezberdin bilakatzen zen liburua ere ikusi genuen.

Eta zintzo portatu ginenez, ez zuen bere poltsan omen zekarren “kakamokordoa” atera behar izan.

Lelo lehiaketa

2010-05-06T21:35:00.012+02:00

4. eta 6. mailako ikasleek Euskal Asterako Txartel eta Lelo Lehiaketa asmatzeko arduradunak izan dira.

Hemen dituzue ikasleek aurkeztutako lanak.

Ikusten duzuenez lan bikainak!

4. mailako bi ikaslek egindakoa izan da irabazlea.

http://marisasoto.glogster.com/lehiaketa/

Fuente: http://b01eskola20.wikispaces.com/Kliketaekin

Ekintza osagarriak eskolako liburutegian

2010-04-29T22:01:00.008+02:00

Lehengo egunean liburutegira joan ginen eta Pedro Alegría, matematikako aztia ikusi genuen emanaldian. Magiazko joku batzuk erakutsi zizkigun. Kartekin asmatu, ordenagailuarekin jokuak eta azkenean kartak oparitu zizkigun. Oso majua da. Eskolako 5. eta 6. mailakoei asko gustatu zitzaigun.

Hau da bere bloga: http://www.automagia.com/

Ipuin kontalari

2010-04-25T23:44:00.006+02:00

Apirilaren 13an, eskolako Liburutegian Rosa Mª Martínez, ipuin kontalaria, ikusteko eta entzuteko aukera izan genuen.

Umeentzako oso ekintza erakargarria izan zen bere ipuinak kontatzeko zenbait txotxongilo erabili zituen eta.

Bi saio eman zituen, bata 5 urteko umeentzat eta bestea 1. mailakoen ikasleentzat.

Ikusteko aukera baduzue ez galdu oportunitatea, merezi du eta.

Udaleko hezkuntzako ordezkariak gure eskolan

2010-04-21T23:12:00.006+02:00

Apirilaren 13an, Ibone Bengoetxea zinegotzia eta Bilboko udaleko hezkuntzako zuzendaria gure eskola ikustera etorri ziren.

Euren asmoa gure premiak zeintzuk ziren ezagutzea izan zen. Zuzendariarekin batera eskola ikusi eta berak aipatu zituen beharrak jaso eta argazkiak ateratzen ibili ziren.

Zerrenda luze horretan hainbat gauza aipatu genien: antzokiko jesarleku berriak, eskola guztia udan margotzea, “atezainaren etxean” irekigailu automatikoa eta leihoak berritzea, kanpoko patioan gurasoentzako jesarlekuak...

Espero dugu guztion artean gure eskola gero eta dotoreagoa bihurtzea.

Udal liburutegira joan gara

2010-04-15T22:27:00.005+02:00

Gaur, 2010-03-16a, 10:00etan lehenengo mailako ikasle eta irakasleak Bidarteko Udal liburutegira joan gara Mertxe eta Anarekin. Han Maite Arresek, ipuin kontalariak, istorio eta ipuin batzuk kontatu dizkigu. Ipuinak erakargarriagoak izateko bere lagunak aurkeztu dizkigu: zebra, armiarma, sugea, krokodiloa,… Maite Arresek alde egin duenenan guk liburutegiko apal batzuk arakatzeko aukera izan dugu.

Oso esperientzia polita izan da eta norbaitek kontalari hau ikusteko aukera izatekotan, aprobetxatu dudarik gabe!

Plentziako ONTZIren gela

2010-03-17T00:57:00.004+01:00

Martxoaren 9an, 3. mailako ikasleok Plentziara joan ginen itsasadarraren ingurunea bertan ikustera.

Eguna hotza izan zenez (atera baino lehen elur eta guzti izan baikenuen) berokia, tapaukia, txanoa eta eskularruak jantzi genituen.

Heltzerakoan Bizkaiko Aldundiaren begirale batek inguruneari buruzko informazio asko eman zigun. Gainera, hurbil zeuden animalia batzuk ikusi genituen: kaio hanka-horiak, kaio moko-gorriak, lertxuntxoak, ahate basatiak, karramarroak, zalduntxoak, muskuiluak….

Hamaiketakoa hartu ondoren, ONTZIren gelan fitxa bat egin genuen. Azkenean, hor zegoen akuarium txiki bat ikusi eta gero bisitaldia amaitu zen.

Bazkaldu ostean jolasteko denbora izan genuen.

Oso irteera ikusgarria izan zen!

Mec mec etorri da!

2010-03-08T21:57:00.004+01:00

Mec mec lehenengo mailakoak ikustera etorri da. Gure planeta asko gustatzen zaio, baina asken urteotan gero eta zikinago eta beroago dagoela ikusi du, horregatik guregana laguntza eske etorri da. Konpromezu batzuk hartu ditugu: piladun jostailu gutxiago eskatu, zarama biltzeko edukiontziak erabili eta argiak eta ura bakarrik beharrezkoa denean erabili.

Planeta zaintzea denon lana da!

1go mailako ikasleok.

Aratusteak 2010

2010-02-13T22:03:00.004+01:00

Agate Deuna 2010

2010-02-06T22:17:00.007+01:00

Guggenheim museora

2010-01-28T22:26:00.009+01:00

Urtarrilaren 21ean 5. eta 6. mailako neska mutilak Guggenheim museora joan ginen.

Museoan etxe batzuen maketak ikusi genituen. Interesgarriena zen etxeak mendi punta batean zeudela. Gainera, etxeak 1962an egin ziren. Oso modernoak ziren.

Laberinto batzuk ere ikusi genituen. Horietara sartu ginen. Haietako bat suge modukoa zen, eta suge izena zuen. Beste bat espiral modukoa zen. Laberinto horien hormak altzairuz eginda zeuden.

Azken ordu erdian gure ametsetako etxea diseinatu genuen. Batzuk 3 Den (3 dimentsioetan) eta beste batzuk, berriz, bakarrik margoztuta.
Oso ondo pasatu genuen.

Gabon Kantak

2009-12-22T23:45:00.005+01:00

Laster Olentzero gure eskolara etorriko da, horregatik eskola polita ipini dugu, eta Olentzerori harrera ona emateko gabon kantak ikasi ditugu.

Hiru eta lau urtekoak Arangoitiko eskolara joan gara, hango umeekin abesteko; bost urtekoak gure eskolan egon dira abesten eta arratsaldean guraso guztiak etorri dira gure eskolara gu ikustera.

Olentzero pozik egongo da gurekin eta aurten ere, opariz beteta eskolara etortzea espero dugu.

Zorionak eta Urte Berri On!

2009-12-17T21:24:00.003+01:00

Postala ikusteko klikatu argazkian.

Zorionak eta Urte Berri On!

Abenduak 3 Euskararen Eguna gure eskolan ere ospatu genuen

2009-12-14T09:24:00.004+01:00

Hostoen bila

2009-12-04T20:32:00.008+01:00

Udazkena ailegatu da eta Deustuko parkera joan gara hostoak hartzera. Kolore ezberdinetakoak topatu ditugu: batzuk gorriak, besteak laranjak, marroiak, horiak... Horiek udazkeneko kolore politak!!! Gure eskolara eraman ditugu haiekin lan ederrak egiteko. Ezetz? Begira, begira zein ondo pasa genuen...

Nire gorputza

2009-11-20T12:29:00.006+01:00

Urrian 3, 4 eta 5 urtekoek gorputza ezagutzeko asmoz hainbat ekintza egin dituzte.
Nolakoak gara? Ezberdinak gara? Zertarako dauzkagu sentimenak? Nola zaindu behar gara gaixorik ez ipintzeko? Eta osasuntsu hazteko? ...
Galdera hauek eta beste asko erantzuteko begira, begira egin ditugun gauza batzuk:

Ikastetxeko Gida

2009-10-12T23:47:00.005+02:00

Matemágicas

2009-07-02T21:09:00.008+02:00

Udan ere matemagiarekin jolasten
Bakarrik ala laguntzaz matematikarekin magia egin dezakezu.
Ezetz ausartu?
Hasteko argazkiaren gainean klikatu

Ondo pasa oporretan!

Azken eguna

2009-06-26T22:05:00.004+02:00

Lehen Hezkuntza Santanderren

2009-06-24T21:56:00.003+02:00

Ekainaren 16an, Lehen Hezkuntzako umeok Santanderrera joan ginen. Ikasturte bukaerako txango zoragarria, benetan! Bidaia apur bat luzea izan arren, ez ginen larregi zorabiatu. La Magdalenara heldu eta, lehendabizi, zoora abiatu ginen. Hor, pinguinoak, fokak eta itsas lehoiak ikusi genituen. Inguru zoragarri horretan ez zen ezer falta: itsaslabarrak, jolasgune ederra, zelai zabalak, hondartza eta… nola ez! Izozki goxoak eta merkeak!

Haur hezkuntzakoak Artxandan egon gara!

2009-06-19T21:19:00.001+02:00

Bide heziketa

2009-06-05T20:39:00.007+02:00

Bide Heziketa oso garrantzitsua da gure hirietan. Arauak eta trafiko seinaleak errespetatu behar ditugu istripuak ekiditzeko. Primeran ikasten dugu bizikleta baten gainean. Baita gelan ere, formal-formal.

Bizikletetan hirugarren ziklokoak. Je!

Artigaseko ingurune gelara

2009-05-29T11:15:00.005+02:00

Artigaseko ingurune gelara joan gara 5. mailakoak. Oso ondo prestatuta dago eta primeran azaldu ziguten. Zine aretoan besaulkiak mugitzen dira pelikularekin batera. Primeran dago eta CD bat oparitu ziguten. Zaborra arazoa da, konpondu beharrekoa. Geuk ere zerbait egin behar dugu. Eta zuek?

Bi urteko ikasgelara barraskiloak etorri dira

2009-05-26T12:55:00.006+02:00

Udaberriko euriak eta eguzkiak lagun berriak ekarri dizkigu.
Gure ikasgelan leku bat utzi diegu eta haiekin hainbat gauza ikasten ari gara.
Badakizue? Barraskiloek ez daukate hankarik, narras mugitzen dira, aza eta letxuga jaten dute, gainean daukaten etxea maskorra da...Animaliak gure lagunak dira eta guk ondo zaintzen ditugu, begira, begira argazkiak:

Gu ere Guggemheimera

2009-05-21T16:10:00.004+02:00

Maiatzaren 14n, 5. eta 6. mailakoak Bilboko museora hurbildu ginen. Japoniar baten lan koloretsua ikusi genuen. Txinatar baten irudiak oso ondo eginak ziren, bakarrik hitz egitea falta zitzaien. Geuk ere arte lanak egin genituen tailerretan.
Tipi-tapa berriro eskolara. Irudimenaren ikasgai ederra.

ACEX saria

2009-05-19T20:53:00.006+02:00

Maiatzaren 12an Barakaldoko Campoamor aretoan, ACEX programak, liburutegikoa sarien banaketan egon gara bigarren mailakook. Julen Iglesiasek 1. saria irabazi du, aitaren txikitako bihurkeria kontatuz.
Asier Lopez ere finalista izan da eta bere idatzia BBK-ek argitaratutako liburuan agertzen da.

Zorionak bioi eta jarraitu istoriak idazten!!!!!!

Guggemheimera joan ginen

2009-04-27T11:37:00.005+02:00

Apirilaren 2an, bigarren mailakook Guggenheim museora joan ginen. Han bi orduko bisita egin genuen. Lehenengo orduan, Murakamiren koadroak eta eskulturak aztertu genituen hango begiraleen laguntzaz.
Gero tailerrera joan ginen gure artelanak egitera. Bisita ahaztezina izan zen!! Datorren urtean bueltatu nahi dugu.

2. maila

Bidarte liburutegia

2009-03-12T20:23:00.007+01:00

Martxoaren 6an, 1. mailako ikasleok Bidarte liburutegira joan ginen.
Haur aretoan, besteak beste, Pello Añorga ipuin kontalaria entzun genuen. Liburutegiko ipuinak ikusi eta irakurri genituen eta amaieran hango arduradunak azaldu zigun zer egin behar genuen bazkideak izateko.
Oso ondo portatu ginenez opari berezi bat eman ziguten. Egia esan, ekintza hau asko gustatu zitzaigun.

Abandotik

2009-02-27T23:30:00.009+01:00

Otsailaren 26an Abandotik ibilbide bat egin genuen, 5. eta 6. mailako neska-mutilak.
Asko gustatu zitzaigun ibilbidea, dibertigarria izan zelako, gainera asko ikasi dugu:
Nola deitzen zen Santanderreko geltokia, noren estatuak dauden Albiako lorategian, nor dagoen plaza Biribilaren erdian, non dagoen Bilboko burtsa...

Oso ondo pasatu dugu guztiok.

BESTE IBILBIDE BAT EGIN NAHI DUGU!!!

Deusto eskolako marrazkilari trebeak

2009-02-19T22:53:00.013+01:00

Pasa den domekan, Deustoko San Pedro enparantzan inauteriei buruz egindako marrazki lehiaketan gure eskolako artista birek sari bana irabazi zuten. Artista hauen izenak: Patrik Tombellé Gómez eta Nerea Calo Martos dira.
Segi horrelako trebeak izaten!

Inauteriak heldu dira

2009-02-15T21:36:00.008+01:00

Urtero bezala, aurten ere Deustuko auzoan Inauteriak ospatu ziran, Bilbon baino aste bete lehenago. Gure eskolan, otsailaren 13an, ostirala ospatu genituen.

Eskolako patioa benetan koloretsu eta distiratsu ikusten zen. Talde guztiak bertan desfilatu eta dantzatu ondoren, Deustutik irten ginen, auzotar guztien begi liluratuen aurrean. Benetan egun ahaztezina pasa genuen!! Orain datorren urteko aratusteak heldu arte denok zain egon beharko dugu.

Bistan da ze alaia eta koloretsua izan zen Haur Hezkuntzakoen dantza. Gure txikiak Txulalai dantzatu zuten.

Bideo honetan gure eskolan gertatutakoa ikus dezakezue!! Orpo-puntak dantza aukeratu zuten gure Lehen Hezkuntzako neska-mutillek egun berezi honetarako!!

Badatoz inauteriak

2009-02-11T22:07:00.008+01:00

Inauteriak datoz eta mozorroa prestatzen ari gara. Munduko herrien artean Ukrania aukeratu dugu. Jantzi ederra da benetan, baina lan handia prestatzeko. Horretan ari gara.

5 eta 6. mailak

Agate Deuna

2009-02-09T00:10:00.005+01:00

Arte Ederretako Museoan

2009-01-29T15:41:00.007+01:00

Urtarrilaren amaieran Bilboko Arte ederretako Museora joan ginen (5. eta 6. mailakoak) Sorollaren erakusketa ikustera. Irudiak oso handiak ziren eta kolore biziez eginda. Oso ondo pasa genuen herri desberdinen jendea eta jantziak hain ondo margotuta ikustean. Aukera ederra 14 arte lan hauek ikusteko New Yorkera eraman aurretik. Gomendagarria da benetan, asko gustatu zitzaigun valentziarraren lana.

Urte berri on!

2008-12-21T23:30:00.005+01:00

Postala ikusteko klikatu argazkian.

Zorionak eta Urte Berri On!

Euskararen eguna

2008-12-14T19:40:00.006+01:00

Udazkenean gaudenez...

2008-11-06T16:32:00.007+01:00

Udazkenean gaudenez, anima zaitezte udazken-hitzak letra-zopa honetan bilatzen.
Nahiz eta irudiak eduki, hemen dituzue agertzen diren hitzak: intxaurrak, zuhaitza, hostoak, gaztainak, perretxikoa, horixka, gorrixka eta euria.

Eskolako txikiak eskolan jadanik !!!

2008-10-27T10:56:00.011+01:00

2 urteko haurrok gure eskolarako egokitzeko aldia amaitu dugu. Irailan denbora izan dugu, pixkanaka, gure eskola ezagutzeko.

Andereñoak poliki poliki ezagutu ditugu, eskolako espazio desberdinetan jolasten hasi gara. Jantokian ere, bazkari gozoa dastatu dugu. Pixkanaka negarrak barreak bihurtu dira. Aurrepauso handia egin dugu: gurasoei egunero irribarrez agur esaten diegu eta andereñoei poz pozik egun on !!!