Deustu Ikastetxea

Gure eskolako ikasle batzuk hirugarren mailatik seigarrenera, hogeitabost denetara, astero ostiraletan Nora Franco, Bilboko Koral Elkarteko irakaslearekin, abesten ibili dira gustora. Ikasle hauek asko disfrutatu dute ostiralero. “Eskolan kantari” proiektuaren bidez  Bilboko Koral Elkarteak musikak elkartzeko eta komunikatzeko daukan gaitasunarekin batu nahi ditu eskola ezberdinetako ikasleak eta ekiditu egon daitezkeen jarrera baztertzaileak. Aurten parte hartu duten eskolek emanaldi bat eduki dute Deustoko San Felicisimo elizan ekainaren 16an iluntzeko zortzietan. Bertan egon ginenok aukera izan genuen egindako lanen fruituak entzuteko eta gozatzeko.

Azken aste hauetan gorputz hezkuntzako klaseetan akrosport landu dugu. Baina zer da akrosport? Ba, persona talde batek giza piramide ezberdinak osatzea elkarlanean. Hona hemen emaitza. Zorionak guztioi!! Estas últimas semanas en clase de Educación Física hemos trabajado acrosport. Pero, que es el acrosport? Pues, realizar diferentes pirámides humanas colaborando entre todos en su elaboración. He aquí el resultado. Felicidades a todos!!

Laugarren mailako neska-mutilak Artigaseko zabortegian egon ginen. Han birziklatzen ez den Bilboko zaborra joaten da egunero. Kamioi pila. Birziklatzen dena; beira, plastikoa eta kartoia lantegietara joaten da. Artigasen lurperatzen da beste zaborra mendi arteko bailara batean. Monitoreen azalpenak entzun genituen, maketak ikusi (artean sorpresaren bat), eta simuladorean pelikula ederra. Hamaiketakoa hartu eta zaborra, ontzi berezietara bota eta   banatu genuen. Bueltan autobusean euskal kantak...Gogoratu, berrerabili, birziklatu eta kontsumoa gutxitu. Asko ikasi eta oso ondo pasa genuen. 4. mailakoak.

   Otsailaren 5ean, 5. mailako ikasleok Miribillako suhiltzaileen egoitzara joan ginen. 71 zenbakiko Bilbobusa hartu genuen eta ea Bilbo osoa zeharkatuz, heldu ginen. Izugarrizko eraikuntza, benetan! Berri-berria da, badirudi zilarrezko paperez estalita dagoela.    Isabel, gure bila etorri zen eta berarekin gauza asko ikasi genituen suhiltzaileen lanaren gainean. Batzuk praktikak egiten zeuden, beste batzuek irteera bat izan zuten eta guk ikusi genuen zelan abiatzen ziren, kaskoa eta tresnak hartuta.    Ibilgailu mota ezberdinak erakutsi zizkigun Isabelek, eta batean igo ere egin genuen. Kearen gelan sartu ginen. Hor, eta ilunpean,  laberinto batean sartzen dira praktikatzeko. Gutariko batzuek sartu nahi izan genuen, baina Isabelek ez zigun utzi.    Gimnasioan udaltzain batzuk entrenatzen zeuden eta gurekin hizketan aritu ziren. Ondoren, ikasgela batean pelikula bat ikusi genuen. Eta amaitzeko, Isabelek kasko eta aldizkari bana ...

Urtarrilaren 8an, 2013 urtearen hasieran Deustuko eskolako 3. mailakook Guggemhein Bilboko museora joan ginen bisitan. Oinez abiatu ginen parketik, eta goiz heldu ginenez jolastokian geldiune bat egin genuen. Gero, barruan, oreka landu genuen egituretan, arte lanetan  eta tailerretan. Benetan artisten lanak. Baita etxerako bidean ere gure egiturak eramateko orduan…

Urtarrilaren 8an, Gabonetako oporretatik bueltan, 6. mailako ikasleok eskolaz kanpoko ekintza interesgarri bat burutu genuen Ahalondegian: bisita-tailerra. Bisitaren iraupena bi ordukoa izan zen. Lehen orduan, erakusketan zehar ibilbide bat egin genuen. Lehenengo partean, Bilboko  argazki batzuk ikusi  genituen, eta gero, Metro Bilbao bideoa ikusi genuen. Argazki eta bideo hauen bidez arkitekturak jaso duen aldaketa ikusi genuen eta gure bizitzan duen eragina aztertu genuen denon artean. Azkeneko partean, Bilboko argazki gehiago ikusi genituen, Guggenheim Bilbao Museoa eraiki baino lehen. Bigarren orduan, ariketa plastiko bat landu genuen tailerrean material birziklatuekin. Gure hiriko zati bat eraiki genuen eta plastilinazko hiritar bat. Bukatzean, zati guztiak elkartu genituen, eta hiria osotasunean ikusteko aukera izan genuen. Argazkietan ikus ditzakezue gure lan ederrak!

Joan den maiatzaren 25ean, 5. eta 6. mailako ikasleok elkartu ginen beste ikastetxe batzuetako ikasleekin  Kontserbatorioan. Hor, ikasturtean zehar bertsogintzan sortutako bertsoekin, bertso-saio berezi bat garatu genuen. Horrez gain, III. Mikroipuin Lehiaketako sari banaketa egin zen. Gure eskolan, Aipamen berezia lortu zuen 5. mailako Terese Tombelle Gómezek Ilargi galdua izenburuko ipuinarekin. Zorionak Terese! Giroa apartekoa izan zen, eta saioan benetan disfrutatu genuela! 5. mailakoak: 6. mailakoak:

2011-12 denporaldian gure eskolako boleiboleko taldea bizkaiko 3. gelditu dira euren mailan. Denporaldi ezin hobea eduki dute. Taldeko partaideak honetxek dira: Mari Jose, María, Rakel, Elisabeth, Terese, Xabier, Patrik, Leire eta Markel. El equipo alevín de voleibol de nuestro colegio ha quedado 3º de Vizcaya en su categoría. Han hecho una temporada inmejorable. Los componentes de este equipo son: Mari Jose, María, Rakel, Elisabeth, Terese, Xabier, Patrik, Leire y Markel.

Pasa den astetik Bibliotxokoa ( http://bibliotxokoa.blogspot.com/2011/11/tintinen-abenturen-erakusketa-deustun.html )  blogean esan genuenez Tintin abenturen erakusketa Bibliotekako eskolan dugu, 1. solairuan kokatuta,    hain zuzen, denok ikusteko aukera izateko.  Erakusketa hau Eskolako Bibliotekak eramaten duen Irakurtzearen Planaren barruan dugu. Tintinen abenturen erakusketa datorren abenduaren 14ra arte izango dugu eskolan eta den-denok gonbidaturik zaudete ikusteko. Ez dut denborarik izan argazkiak igotzeko baina laster igoko ditut zuek ikus eta goza ditzazuen baina zera esango dizuet: bai ikasleek, irakasleek eta familiek gustoko handiz hartu dutela erakusketa behin eta berriro adierazi baitute oso berezia dela eta gainera, "Musika Eskola" dugunez gero ere ikusle gehiago ditugu erakusketa honetan parte hartzeko.  Bitartean  Bibliotxokoaren blogean   uzten dizkizuet galdera-sorta txiki bat abenduaren 7an egingo den zozketan parte ha...

Arte Hezkuntza arloan hainbat teknika landu ditugu aurten 6. mailan. Apirilean, Picasso artistaren hainbat obra aztertzen egon ginen eta Historiarekin batera landu ere, Espainiako Gerra Zibila, 1937ko apirilaren 26an Gernikako bonbardaketa aztertuz, hain zuzen. Hona hemen 6. mailako ikasleek "Guernica" obrari buruzko egindako dekonstruzioaren hainbat marrazki koloreetan oinarriturik. Hauek eskolan ditugu erakusketan eta baita oihalez egindako beste "Collage"batzuk ere. Zorionak guztioi, artista hutsak zarete! Gehiago ikusteko klikatu hemen: Kate Berdea

Belén Lucas Pérez ilustratzailearekin egin genuen liburua hemen duzue.  Ea zuen gustukoa den! 3. mailakoak    

Maiatzaren 23 an 3. mailako guztiok liburutegira joan ginen. Han liburu bat, kollage teknika erabiliz, egin genuen. BELÉN LUCAS PÉREZ etorri zen, ilustratzailea da, batzuetan berak ere liburuak idazten ditu. Hark ilustratutako liburuak erakutsi zizkigun. Oso ondo pasatu genuen. Oso dibertigarria izan zen liburua egitea eta oso polita geratu zaigu. 3. mailakoak

Last Friday afternoon, May 13th, Carlos Martinez, a funny storyteller, came to our school. He played the guitar and we all sang some songs. The library was “happier” than ever. Next, he told us a scary story, but we were not scared. We were really surprised because we could understand the story, in English! We had a really good time. Thank you, Carlos. See you. Primary 5/6

Apirilaren 15ean, eskolako Kultur Astea ospatzen dugun astean, Alberto Bargos, ipuin kontalaria, liburutegira etorri zitzaigun 4. mailako ikasleoi. Ipuin kontalari aritzeaz gain, idazlea ere bada, eta, egun, irakasle dabil Madre de Dios ikastetxean. Ederto egon ginen Alberto egondako saioan. Berak, umoretsu, alai, txotxongilo batzuen laguntzaz, hainbat ipuin narratu zizkigun. Kontatu ez ezik, parte hartze handia bultzatu zuen gure artean, bai ikasle zein andereñoen artean. Hasiera hasieratik interesa piztu zigun, eta arreta eta gogoz entzun genituen ipuin guztiak. Gainera, bere urtebetetze eguna zen, baina zenbat urte bete zituen isilpean gordeko dugu… ZORIONAK! Eta itzuli beste behin, Alberto! 4. mailako ikasleak

Martxoaren 25ean, Iraide Urkiaga, ipuin kontalaria, gure eskolako liburutegira etorri zen. Ihintzaren iratxoa zuen izena. Basoari buruzko istorio bat kontatu zigun, basoa haserre zegoen zarata, zaborra eta eraikuntzak direla eta. Iratxoaren mezua planeta zaindu behar genuela zen. 1. eta 2. mailako ikasleak adi eta pozik egon ziren kontalariaren mezua ulertu zuten, gainera, parte hartu zuten kontalariak proposatzen zituen ekintzetan. Amaieran ikasleek saritxo bat izan zuten.