Deustu Ikastetxea

Maiatzaren 31an eskolan Kulturartekotasunaren eguna ospatu genuen. Ikasleek munduko herrialde ezberdinetako jolasetan jolastu ziren, familiek haien herrien janariak prestatu zituzten konpartitzeko, arratsaldean eskolako guztiok dantza egin genuen. Oso jai polita izan zen.  Hona hemen dantzaren bideoa: Kulturartekotasuna Deusto eskola 2019

Gure eskolako ikasle batzuk hirugarren mailatik seigarrenera, hogeitabost denetara, astero ostiraletan Nora Franco, Bilboko Koral Elkarteko irakaslearekin, abesten ibili dira gustora. Ikasle hauek asko disfrutatu dute ostiralero. “Eskolan kantari” proiektuaren bidez  Bilboko Koral Elkarteak musikak elkartzeko eta komunikatzeko daukan gaitasunarekin batu nahi ditu eskola ezberdinetako ikasleak eta ekiditu egon daitezkeen jarrera baztertzaileak. Aurten parte hartu duten eskolek emanaldi bat eduki dute Deustoko San Felicisimo elizan ekainaren 16an iluntzeko zortzietan. Bertan egon ginenok aukera izan genuen egindako lanen fruituak entzuteko eta gozatzeko.

Azaroaren 17an, Bilboko Euskalduna Jauregian, Haurren hiriei buruz jardunaldi batzuk egon ziren. Gure eskolako 5.eta 6.mailetako ikasle batzuk bertan parte hartu zuten eta han euren iritziak jasota gelditu ziren. Gure Bilboko udala Haurren Hirien sarera atxikituta dago, umeen begirada eta parametroetatik abiaraziz hiriak, birpentsatu eta eraldatzeko xedearekin. Arratsaldez helduekin batera lau lan eremutan hausnarketa eta proposamenak egin zituzten: hirigintza eta haurtzaroa, parte-hartzea eta haurtzaroa, haurren eskubideak, jolas eta hiria eta komunitatea, ikaskuntza eta hiria. HerriLaborategiak Francesco Tonucciren haurren Hiria proiektua aurkezten du. Berak,  Francesco Tonuccik mahai ingurutan batutakoa aztertu ondoren, bere ondorioak azaldu zigun denoi: 1.-Hiriak pertsonentzako izan behar direla eta ikasleek lasai eta ziurtasun guztiekin eskoletara bakarrik etorri beharko zirela. 2.-Etxerako lanak ez zirela egon beharko (oso txalotua ikasle guztien ...

HONDARTZARA GOAZ   from Lourdes on Vimeo .

Maiatzean, Deustuko eskolak,   “PREST!” aldizkariaren 169. zenbakian “Euskara da euskaldun egiten gaituena” artikulua argitaratu du. 

Maiatzaren 20an 4 eta 5 urteko ikasleak Bilboko Arte Ederren Museora joan ginen. Lehengo abentura Deustuko eskolatik oinez joatea izan zen, Deustuko kaletik, Euskalduna zubi gainetik, parketik... eta azkenean Museoa !!! “Museoa deskubritu” programan eskainiko ibilbidea egin genuen. Programa honen bidez haurrek Museoa ezagutzen dute, leku ezberdinetan dauden lau arte lanen behaketa egiten dugu. Artelanen aurrean jesarrita segundo batzuetan isilik aztertu ondoren , banan banan haien iritzia ematen dute, irakasleak galderak eginez hausnarketa ahalbidetzen du. Eta, noski, bisitaldia ondoren... haurrentzat parkean dagoen gunean , zabuetan eta gazteluko txirristetan gozatzera.

2 urteko umeak

Euskal Astea 2016. Maiatzaren 4tik 6ra.

Apirilaren 13an 5 urtekoak Urkiola Parke Naturala ezagutzera joan ginen. Hor gure zain baso zainak  zeuden animalia, landare eta zuhaitzei buruz hainbat azalpen eta istorioak azaltzeko:  ur-andrea, lepazuria, sai arrea, azkonarra, zaldiak, urtxintxa, azeria eta pagoa, zipresa, izeia... Zenbat gauza berri !!! “Buztangorri” azeriak utzitako aztarnak jarraituz basoko beste animalia batzuk deskubritu genituen eta basotik ibiltzearen esperientziaz gozatu genuen. Ibilbidearen amaieran “Buztangorri” aurkitu genuen!!! Azeriaren buztanaren jolasean ibili ginen eta azeriaren kare ta margotu ondoren etxera eraman genuen. Etxerako bidean Mari sorgina agurtu genuen, izan genuen eguraldi zoragarriak bere etxea ikusten utzi gintuen .

2 urteko umeak.

Zirku bat etorri zaigu eskolara. Ez, ez… Bost urteko umeek Inauteriak ospatzeko Zirku gaia landu genuen. Horretarako, hainbat ekintza prestatu genituen, hauetako bat, hauxe izan zen: Zirku saioa bat txikien aurrean egin genuen. Begira, begira zein dibertigarria izan zen!

Otsailaren 12an Guggenheim Museora joan ginen bost urteko ume guztiak. Zoragarria izan zen! Eguraldia oso euritsua izan zenez, zoritxarrez autobusez joan behar izan ginen. Bertan, Richar Serraren arte lanak ikusi genituen: Sugearen labirintoa egin genuen, barraskiloz bihurtu ginen, hartzaren kobazuloetan sartu ginen. Dibertigarria izan zen. Amaitzerakoan, tailerra egin genuen, Puppy txakurra margozten ibili ginen eta Serraren lanak birmoldatzen saiatu ginen. Azkenean, autobusaren bila joan ginenean, txaparrada ederra jaso genuen. Baina, ederto pasa genuen! 

Urtero bezala, ESKOLA OSASUNA zerbitzutik aurkeztutako GOSARI OSASUNGARRIA deritzon programan parte hartu dugu. Programa hau Lehen Hezkuntzako 2. mailako ikasleei zuzenduta dago. Zertan datza programa? Laburki azalduko dizuegu: eskolan gosaltzean datza. Hau egin baino lehen, aurreko egunetan ikasleok elikadura eta elikagaien gaineko lana bete dugu klasean. Gero, eskolara datorren medikuak, tutoreak   eta jantokiko arduradunarekin batera adosten du gosaltzeko data. Gurasoei horren berri ematen zaie, egun horretan seme-alabak gosaldu barik bidaltzeko etxetik. Eta listo! Eskolara heldu, motxilak eta jakak ikasgelan utzi, jangelara jeitsi eta...gosaltzera! Denok batera, ikaskide guztiok elkarregaz. Aurten, denetarik izan dugu: esnea, kolakao, zerealak, galletak, ogia, bananak, mandarinak, sagarrak eta madariak. Bukatutakoan, medikuak hortzetako eskuila bana oparitu digu. Jantokia txukun-txukun utziz gero, ikasgelara igo gara berriro.  Bapo gosaldu ondoren, prest egon ga...

Urrian, 5 urteko gelako ume guztiak Areitz Soroa baserri eskolara joan ginen. Goizean zehar, ogia eta sagar zukoa egin genituen apurka-apurka, eta arratsaldean, bazkaldu ondoren, bertan zeuden animaliak ikustera joan ginen: txerria, ahuntzak, oiloak, ahateak, ardiak, untxiak… Oso dibertigarria izan zen benetan! Asko ikasi genuen eta itzultzeko gogoz geratu ginen!

Irailean eta urrian ateratako argazkiak hemen ikus ditzakezue.